Од утре па до 31-ви месецов, Крушево по седми пат во знакот на манифестацијата „Етно-град“.
Се очекува голем број туристи од земјава и од странство кои ќе уживаат во староградската архитектура во вкусната храна и домашното вино, во екот на тапаните и писокот на зурлите.
Подадената рака и несебичната помош секогаш допираат до човековото срце, изјави шефот на државата Ѓорге Иванов при доделувањето на „Повелбата на Република Македонија“ на Црвениот крст по повод 70 годишнината од неговото формирање.
Денеска излегува нов оглас за обука за побарувани занимања на пазарот на труд за 220 невработени лица, кој Министерството за труд и социјална политика го објавува во соработка со Агенцијата за вработување, соопшти денеска министерот за труд и социјална политика, Диме Спасов.
Управата за хидрометеоролошки работи за наредната недела најавува уште потопло време со температури и над 40 степени Целзиусови.
Војна на турско- сириската граница. Турција жестоко возврати на терористичките напади на Исламска држава. Од изутрината турските ловци Ф-16 напаѓаат позиции на џихадистите во сирискиот дел од границата.
Никој не создал, ниту ќе создаде иднина со освојувањето на некави моменти од историското минато.
Во наредните три години останува Данокот на додадената вредност од пет насто при продажба на станови. Градежништвото и натаму е еден од водечките столбови на економијата.
Пониски казни за 6 до 7 пати за помалите компании и речиси двојно пониски казни за големите. Измените во законот за прекршоци дадоа шанса за развој на бизнисот, вели вицепремиерот Ставрески.
Медицинска опрема вредна 53 милиони денари ќе се инсталира во скопската болница за хируршки болести св. Наум Охридски најдоцна до март идната година.
