Времето денеска ќе биде сончево со мала до умерена локална облачност. Ќе дува слаб до умерен, а наместа долж Повардарието повремено засилен ветер од северен правец.
Минималната температура ќе биде во интервал од 7 до 16, а максималната ќе достигне од 23 до 31 степен.
Утре (29.05.2026) поради верскиот празник Задушница, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај за безбедно и непречено одвивање на сообраќајот, соопштија од МВР.
Советот на Народната банка на редовната седница ја разгледа Годишната информација за плаќањата во државата за 2025 година, при што беше констатиран натамошен раст на безготовинските плаќања и на користењето дигитални канали за извршување платежни трансакции.
Од 1 јули 2026 година ќе се изврши дополнително намалување и целосно усогласување на царинските стапки со оние што важат во Европската Унија за 70 стоки што како суровини, репроматеријали и компоненти се користат во домашната индустрија.
По повод Светскиот ден без тутун, Министерството за здравство, заедно со ИЈЗ и СЗО се приклучува на одбележувањето на глобалната кампања на СЗО на тема „Разоткривање на привлечноста – спротивставување на зависноста од никотин и тутун“.
Задоволството на граѓаните од работата на Собранието бележи континуиран раст трета година по ред, покажува најновото истражување „Поглед на Собрание: Перцепциите на граѓаните за работата на Собранието на Република Северна Македонија (2026)“.
На денешното рочиште се изведуваа материјални докази од Обвинителството кои се однесуваат на објектот, неговата сопственост и движењето на имот – целокупната фактичка, правна и сопственичка историја на дискотеката „Пулс“.
На интерпелацијата за мојата работа како претседател на Собранието поднесена од СДСМ ќе одговорам со аргументи дека не сум го прекршил Деловникот на Собранието и правилно сум донел одлука за назначување на претседавач на Комисијата за финансирање и буџет, вели спикерот на парламентот, Гаши.
Три лица се избодени со нож во швајцарскиот град Винтертур, откако вооружен маж ги нападнал на железничка станица извикувајќи „Алах акбар“. 31-годишниот напаѓач е приведен, а повредените швајцарски државјани се хоспитализирани. Полицијата работи на откривање на мотивите за нападот.
Предлог-законот против пушењето ги поминал сите филтри, викендов ќе има уште еден состанок, а следната недела ќе се најде во собраниска процедура, најавува министерот за здравство Алиу.
