Во текот на изминатото деноноќие биле регистрирани 11 пожари на отворен простор, а утринава до 7:30 часот ниту еден не е активен, информираат од Центарот за управување со кризи (ЦУК).
Од регистрираните пожари, од ЦУК велат дека 10 се изгаснати, а еден е под контрола.
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од градските средини е зголемен.
На граничните премини од македонска страна нема подолги задржувања за влез и излез од државата.
Премиерот Христијан Мицкоски ќе присуствува на настан по повод успешното завршување на проектите реализирани во рамки на Акцискиот документ „ЕУ против организираниот криминал, со поддршка за трговијата“ на Граничниот премин Табановце.
Времето денеска ќе биде сончево со мала до умерена локална облачност. Ќе дува слаб до умерен ветер од северен правец.
Минималната температура ќе биде во интервал од 7 до 16, а максималната ќе достигне од 23 до 30 степени,
Системот за сообраќаен надзор „Безбеден град“ почна да функционира и на подрачјето на СВР Велес. Со неговото активирање се очекува да се овозможи постојан и засилен надзор на сообраќајот, побрзо откривање на прекршоците и зголемување на дисциплината кај возачите.
Три години опозицијата вели дека ќе банкротираме и дека економијата е во колапс, но ние ги остваруваме зацртаните цели, коментира шефот на Владата, Христијан Мицкоски.
Владата го намалува ДДВ-то на горивата од 18 на 10 проценти. На вонредна владина седница се носи мерка за ублажување на растот на цените на горивата. Како што најави премиерот Христијан Мицкоски, овој чекор доаѓа пред новата корекција на цените на горивата.
Шумскиот пожар кај Брач повторно се разгоре под влијание на силниот ветер, загрозувајќи го крајбрежниот град Милна.
Околу 230 пожарникари се бореа со огнената стихија во текот на ноќта.
Индонезиските спасувачки служби соопштија дека околу 140 патници и членови на екипажот се водат како исчезнати откако ферибот со повеќе од 240 луѓе се превртел поради лошите временски услови во Јаванското Море.
Спасени се најмалку 102 лица, а пронајдено е и телото на еден патник.
Жртви и десетици ранети во руски воздушни напади врз неколку украински региони.
Бројот на цивилните жртви во Украина нагло се зголеми во последните два месеца поради засилените удари врз електроцентралите и друга критична инфраструктура.
