Интензивно се гради автопатот Кичево Охрид. Како што најавија надлежните се користат специјални адитиви и се асфалтира и во зимски услови.
Градежна офанзива, механизација и работници секојдневно на терен. Остануваат најавените рокови, изградбата на автопатот ќе заврши до идната година.
Во тек се обемни интервенции за санација и реставрација на најрепрезентативниот објект во Охрид-Куќата на Робевци. Целта е споменичниот комплекс чиј дел се Магазата, Депото и Лапидариумот да се сочуваат од забот на времето, со што ќе бидат уште поголема атракција за посетителите.
Најмалку 11 лица ги загубија животите во разорните пожари кои беснеат низ Лос Анџелес. Најавената промена на ветровите се заканува дополнително да ја влоши состојбата.
Студена ноќ во Македонија, вечерва ќе се засилат врнежите од снег, утре ќе се разбудиме со снежна покривка. Според метеоролозите најмногу снег се очекува во северозападните региони од земјава.
Куманово сè уште меѓу градовите со високо аерозагадување. Мерните станици покажуваат дека дозволениот праг на концентрацијата на штетните честички е неколкукратно надминат. Аерозагадувањето ја полни и кумановската болница. На удар се пациентите со белодробни заболувања.
При крај е откупот на тутунот, иако законски може да се купува уште еден и пол месец. Од планираните 17.000, реколтата ќе надмине 20.000 тони. Цената го има просекот од 400 денари колку што по зголемувањето чини првата класа тутун. За тутунарите состојбите се надежни за производството.
Домаќинствата, сообраќајот, но и непланската градба има влијание врз аерозагадувањето, алармира експертската фела.
Градот Скопје од синоќа организира вонредна акција за чистење и дезинфекција на општина Шуто Оризари, со цел како што велат, спречување на ширење зарази и загрозување на животната средина.
Поради интересот на јавноста во врска со условниот отпуст на осуденото лице Сашо Мијалков и неговото право да ја напушти државата, Јавното обвинителство појаснува дека ниту еднаш не дало позитивно мислење и не се согласило со условен отпуст на осудениот.
Србија и САД почнаа разговори за стратешки дијалог, но фокусот на разговорите во Белград меѓу претседателот Александар Вучиќ и американскиот помошен државен секретар Ричард Верма беа санкциите кон нафтената индустрија на Србија (НИС).
