Премиерот Mицкоски во дводневна посета на Србија. Почна меѓународниот саем „Винска визија на Отворен Балкан“. Шефот на владата на средби со српскиот колега Вучевиќ и со претседателот Вучиќ.
Анита Димитријевска-Велковска и Сунчица Николоска известуваат од Белград.
Министерството за култура и туризам денеска го објави Конкурсот за финансирање проект од национален интерес, манифестација „Град на културата во 2025 година“.
Министерството за образование и наука беше домаќин на делегација на Одделот за извршување на пресудите на Европскиот суд за човекови права (ЕСЧП) при надлежниот Генерален директорат на Советот на Европа.
Бура од реакции, за и против, предизвика издадениот налог за апсење на израелскиот премиер Нетанјаху. За американскиот претседател во заминување, судот во Хаг ги преминал границите. „Страшно“ напиша Бајден во неговиот писмен став. Обвинителот нема докази, велат во Белата куќа.
Граѓаните не ги откажуваат закажаните прегледи преку „Ној термин“. Последниве два месеца, на магнетна резонанца над 25 проценти од пациентите не дошле на преглед, а на компјутерска томографија повеќе од 23 насто.
Кока јени џамијаПренамената на битолската Јени џамија во Музеј на христијанско и исламско културно наследство ги разлути ИВЗ и ДУИ. Од исламската верска заедница велат дека е неприфатливо тоа што без нивна согласност, битолскиот Завод и музеј ја трансформирал џамијата во музеј.
Министерката за финансии на тет-а-тет средба со претставници на секоја банка посебно за унгарскиот кредит. Се прават последните анализи за да се додефинираат работите околу каматата по која стопанството ќе ги добие парите, изјави Гордана Димитриеска-Кочоска.
Висината на јавниот долг, согласно последните пресметки на крајот на 2024 година ќе биде 62,7 проценти од БДП, изјави министерката за финансии Гордана Димитриеска Кочоска.
Се нормализира градскиот јавен превоз. Автобусите на ЈСП сообраќаат по редовниот возен ред, по владината одлука да се даде нафта од државните резерви. Испораката на горивото се врши сукцесивно.
Денот на албанската азбука нè затекнува среде жестока дебата за официјалната употреба на албанскиот јазик во нашата земја, намерно поттикната за да се дефокусира јавниот интерес и да се произведат вештачки кризи таму каде што ги нема, вели вицепремиерот Изет Меџити.
