Руските сили тргнаа кон фронтот во источна Украина во регионите Доњецк и Харков, освојувајќи три места, вклучувајќи го и стратешки важниот Угледар.
Осум загинати, а десетици се повредени во руските напади врз три украински региони, според локалните власти.
Училиштен автобус полн со деца изутринава се судри со автомобил во близина на Нови Сад. Според првичните информации загинал возачот на автобусот.
На местото на несреќата се врши увид кој треба да ја открие точната причина за несреќата.
Од ЈП Водовод и канализација известуваат дека денеска имаат планирано две интервенции во водоводната мрежа.
Во Собранието за денеска е закажана седница на Комисијата за еднакви можности на жените и мажите.
Единствена точка на дневен ред е Предлог-одлука за одржување јавна расправа на тема: „Родова еднаквост на жените од руралните средини преку нивна инклузија на пазарот на труд“.
„Безвременски прикаски“ е претстава со карактер на музичко-сценски и танцов перформанс, која опфаќа седум раскази на познатиот писател Франц Кафка.
Во Струга од денеска до 4-ти октомври ќе се одржува Меѓународната конференција „ЕНЕРГЕТИКА 2024“, чија цел е споделување и размена на искуства и планови од областа на енергетиката на регионално и глобално ниво.
Уставниот суд денеска ќе ја одржи 26-тата седница.
На дневен ред се четири иницијативи за оценување на уставност и законитост, шест предлози за одлучување по нацрт-одлуки и седум нацрт-решенија.
Во Собранието денеска треба да започне 16. седница на која на дневен ред има повеќе одлуки и закони. На предложениот дневен ред се и одлуките за усогласување на составот на Државната изборна комисија (ДИК), како и за избор на нови членови на Комисијата.
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен, информираат утрово од АМСМ.
На граничните премини, од македонска страна, нема подолги задржувања за влез и излез од државата.
Стигна долгонајавуваниот одмазднички ирански одговор. Сирени за тревога и серија експлозии во Тел Авив, Ерусалим и Хаифа-Техеран изврши напад врз Израел. Оштетени се објекти, но нема информации за жртви. Израелската одбрана тврди дека со помош на САД пресретнале десетици балистички ракети.
