Премиерот Мицкоски во посета на општина Кочани. Во понеделник се навршува точно една година од трагедијата во Кочани, следните три дена ќе им се оддаде почит на жртвите во пожарот што се случи лани на 16-ти март. Кои се пораките оттаму?
Славица Величковска известува.
На 12.03.2026 околу 19 часот, полициски службеници од ОВР Дебар, во неговиот дом во село во општина Центар Жупа, од слобода го лишија Ј.Р.(48). Тој претходно, во семејниот дом, предизвикал вербална расправија со сопругата и малолетната ќерка, по што со тврд предмет ја нападнал малолетничката.
Ѕвечка ли оружјето со разорна моќ и на Балканот. Кинески хиперсонични балистички ракети воздух – земја, воздушна бомба беспилотни летала и системи за воздушна одбрана, веќе се дел од арсеналот на соседна Србија.
Вчеравечер (12/13.03.2026) во СВР Тетово, неколку професори од Средното медицинско училиште „Никола Штејн“ во Тетово, пријавија дека добиле информации од родители на ученици, дека М.Р. праќал пораки до учениците односно се заканувал оти ќе постави бомби и ќе изврши убиства во училиштето.
Во обид да се намали притисокот врз цените на енергенсите, САД издадоа 30-дневна лиценца за купување руска нафта. Мерката се однесува само на нафтата што веќе е во транзит и нема да обезбеди значителна финансиска корист за Русија, велат од администрација на САД.
Најмалку три лица загинаа, а петмина се водат како исчезнати во Перу по изобилните дождови. Владата прогласи вонредна состојба во повеќе од половина од општините во земјата.
На 14 март со почеток во 12 часот, Македонската филхармонија ќе одржи Симфониски концерт за деца насловен „Магичната флејта на Вулфи“. Авторка на приказната, којашто ќе биде и нараторка на концертот, е Тина Иванова, додека како актер ќе настапи миленикот на детската публика, Мартин Јордановски.
Војната во Украина продолжува. Двете страни објавија за пресретнати беспилотни летала. Претседателот Зеленски во Париз, на средба со францускиот колега Макрон.
Владиниот предлог, судијата од Кривичниот суд Ненад Савески, за нов државен јавен обвинител, стигна во Собранието. Изборот е на пленарната седница, закажана за среда, 18-ти март.
За да биде избран Савески за шеф на обвинителството, потребни се најмалку 61 пратенички глас.
Во текот на вчерашниот ден во периодот од 14:00 до 21:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола на подрачјето на СВР Охрид – ОВР Струга со цел санкционирање на возачи кои не ги почитуваат сообраќајните правил
