Експлозивна направа била фрлена ноќеска врз куќата на пејачот Здравко Чолиќ во Белград.
Пејачот, неговата сопруга и ќерката биле во куќата во моментот на детонацијата, но не се повредени. Полицијата се сомнева дека станува збор за рачна граната. Предизвикана е материјална штета.
Поранешниот претседател Бил Клинтон и неговата сопруга и поранешната државна секретарка Хилари се согласија да сведочат во конгресната истрага за Џефри Епстин, со цел да избегнат кривична одговорност поради непочитување на судот.
Зајакнувањето на ефикасноста и независноста на судството е еден од највисоките државни приоритети и предуслов за враќање на довербата на граѓаните во институциите, порача министерот за правда на конференцијата „Јакнење на ефикасноста и независноста на судството во Македонија.
651 прекршок регистрирала камерата на „Безбеден град“ на вториот ден од почетокот на казнувањето преку новиот систем. 585 возачи не ја почитувале брзината, 50 поминале на црвено, 16 возила биле нерегистрирани. Изречени се 58 забрани за управување со моторно возило.
Нема никаква опасност од поплавувања во прилепско, иако за четири месеци наврнаа преку 300 литри вода во секунда колку за цела година, велат од подружницата на Водостопанство во Прилеп. Исчистени се големите одводни канали во регионот.
В четврток напладне, Владата седнува на маса со синдикатот на УПОЗ. Разговори за зголемување на платите на административците за 40 проценти. Засега, ништо од барањата на ССМ за минималец од 600 евра. Се очекува Трендафилов да ги каже идните чекори.
Почна спроведувањето на Законот за работно ангажирање на лица. Преку него ќе можат да се ангажираат пензионери, студенти и социјални случаи, без да ги загубат веќе стекнатите права. Во Владата претходно имаше промотивен настан за овој закон.
Министерот за здравство информира дека има работна група за случајот со испраќањето човечки мозоци во САД за научни истражувања. Целта е да се провери дали за таквите активности имало документација.
Наташа Јанчиќ – Менковски известува.
