Турскиот претседател Реџеп Таип Ердоган е во дводневна посета на Србија. Придружуван е од 185 бизнисмени и осум турски министри.
Се очекува потпишување на неколку договори за турски инвестиции и за бесцарински извоз на одредени производи во таа земја.
Американскиот потпретседател Мајк Пенс напушти спортски натпревар во Индијана откако дел од натпреварувачите клекнаа за време на интонирањето на американската химна, што според него, било непочитување на војската, знамето и химната.
По маратонски преговори, Христијанско-демократската унија (ЦДУ) на германската канцеларка Ангела Меркел, постигна договор за мигрантското прашање со што се отстранети препреките за коалициски преговори со останатите партии.
Поради дефект на секундарен вод од дистрибутивната топлинска мрежа во близина на Собранието на Република Македонија привремено е прекината испораката на топлинска енергија за дел од потрошувачите од централното градско подрачје, информираат од БЕГ.
Двеипол годишно дете од Велес почина вчера на скопската клиника, поради сепса и менингитис. Детето пред два дена било хоспитализирано на одделот за неврологија со симптоми на губење свест.
„Каталонија ќе го примени законот за референдум, кој повикува на прогласување независност доколку референдумот покаже дека мнозинството гласачи се за отцепување“, изјави каталонскиот претседател Карлес Пуџдемон.
Анкара со реципрочни мерки одговори на американската мисија во Турција, која ја прекина работата на службите за издавање неимигрантски визи во дипломатските претставништва во земјата.
Право за користење на финансиската поддршка за инвестиции во бизнисот со рибарството имаат фирмите кои се регистрирани за оваа дејност и кои имаат или користат имот на кој ќе градат рибници.
Државната изборна коисија го објави упатството за гласање. Единствено жителите на Скопје ќе гласаат на четири гласачки ливчиња, две за општината во која живеат, и две за Град Скопје.
Продолжуваат партиските митинзи и средби за локалните избори. Коалицијата „Живот во Македонија“ предводена од СДСМ ќе одржи средби со граѓани во Илинден и Петровец, а митинзи во Арачиново и во Гази Баба.
