Во Гевгелија почнува реализацијата на унапредување на водоводниот систем преку европските претпристапни фондови. Вкупната вредност на проектот изнесува 1,7 милиони евра.
Ќе се градат бунари, пумпи, станици за хлорирање, водоводна мрежа и резервоар од илјада кубни метри.
И натаму е блокиран Евзони, главниот македонски премин кон Грција, поради штрајкот на грчките земјоделци. Преминот Меџитлија, кај Битола е отворен за сообраќај за сите возила, а Дојран само за патнички, информираат од Автомото сојузот на Македонија.
Овчарите и козарите се најзаинтересирани за безплатните технички проекти за инвестиции во мандри. Во овие проекти имаат на располагање пресметки за цената објектот и за изгледот на идната или за реконструкција на постоечката мандра.
Поводот за бакнеж и прегратка ги спојува обичаите и религиите. Католичкиот празник Свети Валентин, заштитник на вљубените, и годинава одбележан од помладите кои веруваат во љубов, сакаат и сакаат да бидат сакани. Вино, вкусни колачиња, рози и балони.
Со вино и музика, македонските лозари го прославија Свети Трифун. На празникот на вербата во плоден род и добро вино, се закројуваат лозите. Мераклиите на пијалокот на боговите, се надеваат на бериќетна година.
Во Мала Речица се разгледува документот испратен од Бихаќка. Од ДУИ не сакаат ништо да коментираат. Од СДСМ велат- ќе овозможи брзо собирање на потребните потписи за мнозинство. Ниту Социјадемократите ниту Интегративците не ја откриваат содржината.
Судијата Иван Џолев дојде во Советот за утврдување факти за нова преставка против него, но, на претседателот на Комисијата, Јордан Лазаров, му пренесе дека му поднесол кривична пријава за злоупотреба на службената должност.
Вкупно 318 амандмани се поднесени на предлог резолуцијата за нашата држава во Европскиот парламент.
Петмина обвинители од специјалното обвинителство идната недела ќе се состанат со нивните колеги од Советот на јавните обвинители и ќе ги образложат причините зошто СЈО се откажало од кривичен прогон на обвинетите во случајот „Пуч“.
Нови шест бесплатни терапии за малигни болести се воведуваат на Клиниката за онкологија. Цитостатиците за карцином на кожата и на бубрезите се достапни веќе неколку месеци.
