Им забрани на медиумите да го користат нејзиното име, иако извршуваше јавна функција, па ја разрешија. Министерот за здравство Таравари го потпиша решението – Каролина Симоновска повеќе не е директорка на Козле.
Известува Анита Димитријевска-Велковска.
Потрагата по младиот Миле Тодоров денес стигна до мостот на реката Вардар, кај полигонот Криволак. Таму беа неговите другари и роднини, кои го пребаруваа брегот. Веруваат дека Миле е уште жив.
Пациенти реагираа до директорот на Фондот за здравство – во Македонија лековите се поскапи отколку во Косово. Лек за карцином на дојка таму чинел 1.500 евра, во Македонија 2.650, во Турција 1.100.
Итно вработување на медицинските сестри кои со години работат без здравствено и пензиско осигурување – бара Унијата. На стотици им се прекинати договорите за работа на дело. Иако ќе продолжат да работат, финансиска согласност за исплата на јануарската плата нема.
Повик за национално обединување и следење на Делчевата идеологија – ова се пораките кои беа испратени од чествувањето на 153 годишнината од раѓањето на најголемиот македонски револуционер, Гоце Делчев.
Ништо значајно не се случува на релација Скопје-Софија и по формирањето политичка влада во Бугарија. Премиерот Мицкоски вели, подготвени сме за дијалог, но не по секоја цена.
Државниот санитарен и здравствен инспекторат не констатирал недостатоци во рамките на своите надлежности при вчерашниот вонреден инспекциски надзор на Детското одделение во Општата болница Струга, по смртта на четиригодишното дете од Лабуништа.
Министерот за европски прашања на Република Северна Македонија, Орхан Муртезани, на првиот ден од работната посета на Брисел, оствари средби со европратениците Тајс Ројтен (С&Д) и Матеј Тонин (ЕПП), известители во сенка за Северна Македонија.
Министерот за здравство, Арбен Таравари денеска го потпишал решението, со кое досегашната директорка на Универзитетската клиника за белодробни заболувања „Козле“, д-р Каролина Симоновска, се разрешува од функцијата.
