Сообраќајот на патот Маврово - Дебар, на потегот од Мелнички мост до село Долно Косоврасти, денеска од 13 до 17 часот ќе биде во прекин.
Причина за прекинот, како што информира Автомото сојузот на Македонија, е изведување градежни активности на тој дел од патот.
Пратеникот на ВМРО-ДПМНЕ, Илија Димовски побара да се свика итна седница на која ќе се дебатира за депонијата во Струга, која што според него е запалена и претставува опасност по здравјето на жителите и на природната средина.
„Македонија не треба да промени името, Европската унија треба да промени пристапот“- претседателката на групата Пријатели на Македонија во Европскиот Парламент, Маријана Петир. Таа смета дека Европската унија има двојни критериуми за проширувањето.
И за денеска метеорлозите најавуваат нестабилно време со пороен дожд и грмежи. Според УХМР позначителна нестабилност повторно се очекува утре, попладне и во текот на ноќта кон сабота.
Струшката дива депонија речиси два месеца постојано гори, а поради густиот чад и непријатната миризба кои се шират низ градот граѓаните на Струга деновиве организираат протести на кои бараат итно затворање и дислокација на местото за одлагање на отпадот од градот и околните населени места.
Собранието ја продолжи петтата седница. Последна точка на дневниот ред е изборот на заменици- министри на владата. Пратениците од ВМРО-ДПМНЕ вчера побараа повеќе време да се дискутира за биографиите на предложените кадровски решенија.
СДС ја има одговорноста да се грижи за земјоделството и не смее поради несериозниот пристап да трпи основната гранка за егзистенција на многу семејства во државата, велат од ВМРО-ДПМНЕ.
Билатералните односи меѓу Македонија и Грција и нивната иднина во фокусот и на средбата што македонскиот шеф на дипломатијата Никола Димитров вчера ја имеше со Јоргос Кумуцакос, од најголемата опозициска партија Нова Демократија.
Претседателот на Владата на Република Македонија Зоран Заев денеска се сретна со амбасадорот на државата Израел во Република Македонија Дан Орјан со кого се осврнале на добрата соработка меѓу двете земји и на перспективите за унапредување на економските односи.
Сите кои конкурираат за ИПАРД 2 програмата мора да бидат регистрирани во системот за идентификација на земјишните парцели со точно определена минимална големина во зависност од културите кои ги одгледуваат.
