Новиот премиер Зоран Заев влезе во владиниот кабинет. Емил Димитриев му ја предаде функцијата.
Прашан каде ќе живее како премиер, посочи дека за викендот ќе разговара на таа тема со семејството, кое претпоставува дека ќе сака да остане во Струмица, но ќе ја користи и премиерската вила.
ВМРО-ДПМНЕ го осуди обидот за убиство на Никола Тодоров.
Инцидент пред Министерството за здравство, пред примопредавањето на функцијата. 60-годишен жител на селото Долно Каласлари, Велешко, од огнено оружје стрелал кон поранешниот министер за здравство, Никола Тодоров, на влезот од зградата. Човекот е приведен. Тодоров не е повреден.
Продолжениот викенд во Македонија ќе донесе променливи временски услови. Утре попладне и во вечерните часови на места ќе биде нестабилно со локален пороен дожд и грмежи.
Досегашниот министер за одбрана Зоран Јолевски денеска и ја предаде функцијата на новата министерка за одбрана Радмила Шекеринска- Јанкоска.
СДСМ го осуди пукањето во поранешниот министер за здравство, Никола Тодоров. Оттаму велат дека недозволиво употребна на оружје и посегнување по нечиј живот, од која било причина.
Новиот премиер Зоран Заев денеска во Владата на Република Македонија ја презеде функцијата од Емил Димитриев. Заев беше придружуван од неколку членови од новиот владин кабинет.
Претходно, членовите на Владата на Република Македонија беа примени од претседателот Ѓорге Иванов.
Со 62 гласа „за“, 44 „против“ и пет „воздржани“, Македонија ја доби новата Влада предводена од Зоран Заев. Вкупно 25 министри веднаш по изборот положија свечена заклетва дека ќе ги бранат интересите на граѓаните и државата.
Во Министерството за финансии на Република Македонија денеска беше извршено примопредавање на должноста министер за финансии. Новиот министер за финансии Драган Тевдовски го презеде кабинетот од својот претходник Кирил Миноски, кој ја извршуваше оваа функција од јуни минатата година.
Стигнаа и првите евроатлантски честитки до новиот македонски кабинет.
