Британската кралица Елизабета втора е позитивна на коронавирус, објави Бакингемската палата.
95-годишната монархиња, која на 6 февруари прослави 70 години на тронот, има благи симптоми на настинка, и се очекува да ги продолжи обврските во Виндзор, соопштија од палатата.
Уапсени двајцата главни организатори на протестите на канадските камионџии. Иницијаторите на таканаречениот „Конвој на слободата“ се лишени од слобода во канадскиот главен град.
Британската метеоролошка служба издаде црвено предупредување за областа околу Лондон и југоисточна Англија поради силните ветрови што ги донесе бурата „Јунис“. На милиони луѓе им е наредено да останат дома.
Се пребројуваат спасените патници и членови на екипажот од траектот „Еурофери Олимпија“ што се запали додека пловеше од Грција за Италија.
Русија ја обвини Украина дека не го спроведува договорот од Минск потпишан во 2015 година. Украина пак смета дека Русија е таа што не го спроведува договорот од Минск.
Американскиот државен секретар Блинкен изјави пред Советот за безбедност на ОН дека Русија „презема чекори по патот на војната“, но единствениот одговорен начин да се реши кризата околу трупањето војска во близина на Украина е дипломатијата.
Лидерот на Белорусија Лукашенко најави средба со рускиот претседател Путин на 18 февруари за да разговараат за „понатамошните активности“ во врска со заедничките воени сили додека двете земји заедно одржуваат воени вежби.
Расте бројот на загинати во лизгањето на земјиштето во бразилскиот град Петрополис. Се очекува дополнително да се зголемува. Ова е најголемо количество дожд од 1932 година во Петрополис.
Европарламентарците побараа применување на заеднички ЕУ-правила за патување во време на пандемија. Ја истакнаа важноста за туристичкиот сектор од воведувањето единствени ковид-правила во Унијата.
Силно невреме ја погоди Германија. Бурата Иленија остави пустош зад себе, носејќи покриви на куќи и оштетувајќи автомобили. Во Берлин е прогласена вонредна состојба, а поплавени се и делови од Хамбург.
