Украинските власти тврдат дека Русија ги засилила нападите врз Херсон со 100 напади во 24 часа.
Има голем број цивилни жртви и инфраструктурна штета. Продолжуваат обидите и за заземање на Авдијивка во близина на Доњецк.
Киев тврди дека напредува во Доњацк.
Српскиот претседател најави предвремени парламентарни, локални и покраински избори за Војводина на 17-ти декември.
Вучиќ информира дека изборите мора да ги распише до 2-ри ноември за да се одржат на предвидениот датум.
Израел ги предупреди Палестинците да се евакуираат во јужниот дел на Газа во рок од 24 часа. ООН веруваат дека е невозможно да се направи тоа без катастрофални хуманитарни последици.
Драматични снимки од Никопол на Дњепар во Украина. Погодена е гимназија, во урнатините се пронајдени четири тела, на маж и три жени, во установата не биле гимназијалците. Урнати се и домови, фарми и продавници.
Продолжува бомбардирањето на Појасот Газа. Енклавата помина уште една ноќ без струја, вода, храна. Засега илјадници жртви и повредни, црната бројка ќе расте. Израелските власти се решителни во обидите да го искоренат Хамас.
По четврти пат, Ерменија го повика Меѓународниот суд на правдата да воведе нови привремени мерки за Азербејџан за да се спречи „етничко чистење“ на регионот Нагорно-Карабах.
Косовскиот премиер Курти предупреди дека безбедносните сили го истражуваат зголемениот ризик од организирани напади на Косово.
Крајот на трагедијата во Украина и по шестотини дена не е на повидок. Цели населби се урнати, како што се уриваат и дроновите-убијци кои летаат и ги погодуваат граничните области во Русија, но и во Украина.
Републиканците го номинираа пратеникот Стив Скализ за нов претседател на Претставничкиот дом.
Скализ треба да го замени Кевин Мекарти кој беше сменет од функцијата.
Десетици луѓе се евакуирани од централната аргентинска провинција Кордоба поради пожар предизвикан од силниот топлотен бран.
Според аргентинската Национална служба, во справувањето со пламените јазици се ангажирани 960 пожарникари со осум противпожарни авиони и два хеликоптера.
