Четири домородни деца беа спасени живи од колумбискиот Амазон, 40 дена откако авионот со кој патуваа се урна во џунглата. Децата преживеале силни бури во еден од најсуровите делови на земјата, со грабливи животни и вооружени групи.
Децата ги пронашло куче трагач.
Во експлозија на граната во Сомалија загинаа најмалку 27 луѓе, главно деца. Повредени се 53. Децата си играле со минофрлачка граната која експлодирала.
Жителите изјавија дека неексплодираните гранати, со кои си играа децата, ги користеле завојуваните страни во Сомалија.
Американските обвинители покренаа обвинение за 37 кривични дела против поранешниот претседател Трамп, обвинувајќи го дека ставил во ризик чувствителни безбедносни тајни на земјата по заминувањето од белата куќа во 2021.
ОН предупредија дека уривањето на браната Каховка уште повеќе ќе им го отежни животот на Украинците. Според информациите на околу 700.000 луѓе им е потребна вода за пиење.
Поранешниот британски премиер Борис Џонсон се повлекува од функцијата пратеник што ќе предизвика итни дополнителни избори во конституенцата на Џонсон. Џонсон поднесе оставка еден ден откако ги доби наодите на комитетот за привилегии.
Во Белград денеска, во 18 часот, ќе се одржи шестиот протест „Србија против насилството“, со нова траса која ќе почне од Народното собрание со правење на прстен овојпат околу Владата, со фокус на протестот на образованието.
Исландските власти денеска соопштија дека ќе ја затворат својата амбасада во Москва на неодредено време поради актуелната ситуација поврзана со конфликтот во Украина.
Нови дојави за бомби во училиштата на Црна Гора. Откажано е екстерното за деветтоодделенците, наставата продолжува онлајн.
Евакуирани се и повеќе градинки во Подгорица.
Министрите за внатрешни работи на ЕУ усвоија заеднички став за регулативата за управување со азил и миграција и регулативата за процедури за азил. Законските предлози треба да бидат усвоени пред изборите за Eвропскиот парламент во јуни следната година.
„Руска диверзантска група ги разнела хидроцентралата и браната Каховка во јужна Украина“, тврди Киев повикувајќи се на телефонски повик кој, според украинската служба за безбедност, го докажувал ова сценарио.
