Неколкумина биле повредени при уривање на четирикатница во центарот на Марсеј, вториот по големина град во Франција.
Зградата се урнала со силна експлозија по што избувнал пожар, што, пак, ги отежнало спасувачките напори. Затворен е целата област околу зградата, како и неколку улици.
Петгодишно дете загина од куршум во Вучитрн на Косово. Детето починало во болница.
Според првите информации од истрагата, инцидентот се случил во дворот на куќата на детето.
Пожарникарите во Хамбург, Германија од изутрината се обидуваат да се справат со огромниот пожар кој зафатил повеќе магацини.
Израелски воени авиони извршија воздушни напади врз воени цели во Сирија како одговор на ноќните ракетни напади на териториите под контрола на Израел.
Премиерката на Естонија Калас изјави дека нејзината централнодесничарска Реформска партија постигнала договор со две други партии за формирање коалициска влада, пет недели по изборите во земјата.
Портпаролот на Кремљ, Песков рече дека францускиот претседател Макрон всушност ја критикува политиката на Соединетите Американски Држави кога зборува против распоредување на нуклеарно оружје на една земја во други држави.
Повеќе од 30 деца се вратени кај нивните родители во Украина, по долгата операција на враќање од Русија каде беа одведени од конфликтните подрачја.
Во Москва денеска беше погребан рускиот воен блогер Владлен Татарски, кој загина во експлозија што се случи на 2 април во кафуле во Санкт Петербург, а меѓу другите на погребот присуствувале и членови на паравоената група „Вагнер“.
Продолжуваат борбите во Украина. Во меѓувреме, на интернет се појавија голем број тајни досиеја за национална безбедност на САД. „Њујорк Тајмс“ истакнува дека новите документи вклучуваат „чувствителни“ материјали поврзани со Украина, Кина, Блискиот исток и тероризмот.
Благословувањето на велигденските корпи е стар полски обичај. Во корпите има леб, бојадисани јајца, колбаси, сол, велигденско јагнешко месо и рен.
