Од утре во Македонија следува период на претежно сончево и стабилно време. Утрата ќе бидат посвежи, а дневните температури ќе бележат постепен пораст.
Во текот на утрешниот ден максималната температура на југоисток ќе достигне до 32 степена.
За Скопје се прогнозирани 29 степени.
Државната изборна комисија од денеска до 25-ти месецов треба по случаен избор преку софтверот и базата на административци да ги определи членовите на избирачките одбори за локалните избори.
Италијанците повторно спијат под отворено небо. Во земјотресот од 4 рихтери во Искија загинаа две лица. Пред една година во летниот период се случи силен потрес во централниот дел на Апенинскиот полусотров во кој загинаа стотици луѓе.
Советот на јавните обвинители в четврток треба да решава кој ќе биде вршител на должноста државен Јавен обвинител. Владата пак, како што беше најавено во петокот треба да ја почне процедурата за именување нов обвинител.
Опозициската ВМРО-ДПМНЕ посочува дека СДС ја исцеди државната каса. Поради неспособноста на Заев и тесната група околу него се заканува крах на буџетот. Нема пари ниту за ветеното покачување на пензиите, ниту за просечна плата од 30.000 денари, стои во дописот.
Поранешни функционери во Управата за јавни приходи од редовите на ВМРО-ДПМНЕ на незаконски начин им овозможиле на 37 фирми да бидат изземени од законските постапки за наплата на милионски долгови, поради неплаќање данок, велат од СДСМ.
САД не можат да си дозволат брзо повлекување од Авганистан – порача претседателот Доналд Трамп од воената база Форт Маерс во Вирџинија. Тој во своето прво официјално телевизиско обраќање до нацијата ја претстави новата Стратегија.
Грчкиот министер за надворешни работи Никос Коѕиас на 30-ти и 31-ви август ќе престојува во официјална посета на Македонија, јави Независната Балканска новинска агенција (ИБНА). Засега нема официјална потврда од грчкото МНР.
120 згради беа опожарени во Ростов на Дон, југозападна Русија. 45 лица се хоспитализирани, вклучувајќи и соработник на министерство за вонредни состојби и полициски службеници, кои помогнаа во борбата против огнот.
Кредитирањето во јули годинава бележи раст од 0,3 проценти, што се должи на зголеменото кредитирање на домаќинствата. Кај корпоративното кредитирање има намалување.
