Утре во Македонија ќе преовладува сончево време со мала до умерена облачност. Попладне на места се очекуваат услови за локален дожд особено во јужните планински подрачја.
Ќе дува умерен повремено засилен ветер од северен правец особено долж Повардарието.
Потребна е политичка воља за решавање на политичката криза во Македонија, Парламентот да биде оперативен, да избере претседател, а потоа да се избере и Влада, изјави германската амбасадорка во земјава Кристине Алтхаузер.
Осомничениот напаѓач од Стокхолм призна дека извршил терористички акт. 39-годишниот Ракмат Акилов со камион прегази четворица цивили. Многумина беа повредени, а двајца се во критична состојба.
Грчкиот шеф на дипломатијата е загрижен за стабилноста на Македонија и оценува дека нестабилноста на земјата се должи на недостигот на култура на компромис. Ова Никос Коѕиас го нагласил при својот говор на настан организиран од движењето на идеи и акција „Прато“.
Со најновата инвестиција од 1,4 милиони евра Пивара Скопје го зголеми капацитетот за полнење пиво во стаклена амбалажа за 30 насто. Истовремено се намалени и трошоците за вода и за енергија.
Голем грабеж во главната експозитура на НЛБ Тутунска банка. Според полицискиот билтен, во полициската станица Кисела Вода вчера вечер е приведено едно лице поврзано со кражбата.
На самитот на Г7, министрите за надворешни работи на седумте најразвиени земји усогласија заедничка позиција за сирискиот конфликт, пред посетата на американскиот државен секретар Рекс Тилерсон во Москва.
Првата станица од десет дневната промотивна турнеја на Јана Бурческа беше учество на првата и најстара евровизиска забава во Лондон.
Ново продолжение на конститутивната собраниска седница за избор на претседател и членови на Комисијата за избори и именувања. Социјалдемократите остануваат на барањето да се прекине расправата и да се премине на гласање на нов претседател на Собранието.
Операта „Турандот“ од Џакомо Пучини ќе биде изведена утревечер во Македонската опера и балет.
