Во рудникот за јаглен во градот Воркут на рускиот Арктик денеска се случи несреќа и поради одрони заробени останаа 90 рудари, соопшти регионалниот огранок на руското Министерство за вонредни ситуации.
Евакуацијата е во тек. Засега нема информации дали некој е повреден во оваа несреќа.
На лето почнува реконструкцијата на автопатот Неготино – Демир Капија. Тендерот е објавен, инвестицијата се проценува на 8 милиони евра. Подобрената инфраструктура треба да го олесни протокот на стоки и на патници низ Коридорот 10.
Во рамки на оперативната акција „Гора“ е поднесена кривична пријава против две лица поради основано сомнение дека сториле кривично дело „кражба“ и „помагање“.
Се интензивира сезоната на грип. За една недела пријавени се нови 5.040 случаи на заболени– покажуваат најновите податоци на Институтот за јавно здравје.
Ова претставува раст од речиси 20 проценти во однос на претходната недела, или за 2,4 пати повеќе во однос на истиот период лани.
Косово утре избира нов шеф на државата. Претседателот на парламентот закажа седница на која ќе се гласа за новиот претседател. За да биде избран кандидатот треба да добие поддршка од најмалку две третини од пратениците, или 80 од 120-те членови на парламентот.
Застојот во транзитирањето на бегалците низ земјава може да предизвика повратен домино ефект. Чешка, по Австрија, реши да испраќа дополнителни полициски единици на јужната граница.
Просечната месечна нето плата по вработен во Македонија во декември 2015 година изнесувала 22.715 денари и бележи раст од 1,4 отсто во однос на декември претходната година, објави Државниот завод за статистика.
Турската полиција предупреди за можни терористички напади на автобуски станици во Истанбул. Во соопштението, испратено до повеќе државни институции се посочува дека главна цел на нападите би можеле да бидат местата на кои има поголем број луѓе.
Нова афера во Ватикан. 34-годишната Мирјам Вулу, асистентката на папата Францис изутрината е најдена мртва во нејзиниот стан, објави британски „Дејли мирор“.
Армијата останува на јужната граница се додека има потреба за тоа. Во зависност од проценките на теренот и бројот на бегалците, не се исклучува можноста и за зголемување на бројот на војниците и старешините, вели министерот за одбрана Јолевски.
