Додека во развиените земји се вообичаена практика, кај нас заштитните мрежи се новина за нашите земјоделски производители.
Основната функција им е заштитата од град, но и намалување од штетното УВ зрачење кое е се поизразено поради климатските промени.
Собранието ќе гласа за нов министер за финансии и заменик- министер за надворешни работи. На 106-тата седница треба да бидат констатирани оставките на Зоран Ставрески и смената на Драгана Кипријановска.
Претставници на четирите политички партии потписнички на договорот од Пржино на одвоени средби со амбасадорите на Европската унија и на САД, Орав и Бејли. Се разговарало како да се организира лидерска средба и да се најде излез од политичката криза.
Го прекрши ли Иванов уставот со аболицијата, дозволете да се изјасни Уставниот суд, повика опозицијата на вториот ден од собраниската расправа по предлогот за импичмент на шефот на државата.
Вицепремиерот и министер за финансии Зоран Ставрески поднесе оставка, како што вели во дописот до премиерот Димитриев- од здравствени причини.
Сѐ повеќе млади луѓе во земјава се запишуваат на листата крводарители. Според податоците околу 25 проценти се до 27 години, а зголемен е и бројот на жени кои даруваат крв. Катица Жежова е крводарител од 1977 година. Досега 70 пати несебично ја дарувала својата крв.
„Во активна дискусија сме со партиите. Се надеваме дека тие ќе постигнат договор во следните денови“, велат од Американската амбасада во однос на прашањето дали се во тек консултации со партиите потписнички на Договорот од Пржино за одржување нова лидерска средба.
Во Атина вчера се одржала нова рунда разговори меѓу претставници на Македонија и на Грција околу мерките за градење доверба меѓу двете земји.
Професијата воен пилот станува попривлечна и за понежниот пол. Битолчанката Гордана Кочишки иако завршила правен факултет, наместо во судница или адвокатска канцаларија својата идна професија ја гледа во небесните височини управувајќи едно од леталата на македонското воено воздухопловство.
Поради здравствени причини Зоран Ставрески поднесе оставка од позицијата вицепремиер и министер за финансии.
