Нова средба на работната група на претставниците на политичките партии со посредникот Питер Ванхауте треба да се одржи денеска попладне во Клубот на пратениците.
И натаму на средбите доминираат две теми, пречистување на избирачкиот список и реформите во медиумите.
Советот на јавните обвинители денеска ќе расправа за работата на Специјалната обвинителка Катица Јанева, за тоа како е постапувано при предавањето на материјалите од незаконското прислушување, доставени од лидерот на СДСМ, Зоран Заев.
Производителите на пченица, житни и индустриски култури ќе добијат по 12.000 денари за хектар доколку употребиле сертифициран семенски материјал.
Началникот на Генералштабот на АРМ генерал-потполковник Методија Величковски денеска ќе реферира за борбената готовност на АРМ во 2015 година пред претседателот на Република Македонија и врховен командант на вооружените сили, Ѓорге Иванов.
Сообраќајот на сите државни патишта се одвива без забрани и застои по наместа влажни коловози, на повисоките места наместа со остатоци од кашест снег по интервенција на дежурните екипи на ЈП Македонија Пат.
Министерот за надворешни работи Никола Попоски денеска ќе престојува во работна посета на Брисел, каде ќе присуствува и ќе се обрати на инаугуративниот настан за обновување на групата „Пријатели на Македонија во Европскиот парламент”.
За прв пат во Македонија во новиот ПЕТ- Центар произведен е радиоизотоп за рано откривање на рак и други тешки заболувања. Ќе се третираат пациенти од Хематологија, Кардиологија, Неврологија, деца со тешки заболувања.
Досегашната претседателка на ПССЕ, луксембуржанката Ан Брасер, непосредно пред истекот на нејзиниот мандат испрати повик до сите политички партии во Македонија да не ги бојкотираат предвремените параламентари избори.
Откако Австрија најави враќање бегалците кои ќе го надминат бројот од 37.500 баратели на азил годинава, соседните земји се најдоа во небрано.
