Израелската полиција повторно се судри со Палестинците во Ерусалим. Тензиите во источниот дел на Светиот град се зголемија по убиството на израелски војник на контролен пункт на влезот на бегалскиот камп Шуафат на почетокот на неделава.
Судири се регистрирани низ повеќе населби.
Тројца убиени во вооружен инцидент во Братислава. Смртоносниот напад се случил во бар на ЛГБТ заедницата.
Полицијата го пронајде телото на осомничениот за кој се верува дека го извршил убиството поради омраза кон хомосексуалците.
Две лица загинаа, а десетмина се повредени откако се откачи висечки мост во Овчар Бања.
Туристите од Звроник се движеле во групи од по две или три лица, држејќи растојание.
„Не се чувствував безбедно, кога се движев по улица, постојано гледав наназад. Кога наидувавме на руските војници, не ги гледавме, не знаевме што им е во главата. Анализиравме и размислувавме дали е подобро да преживееш напад и војник со пушка да ти се појави на врата?“
Со огромно мнозинство во Генералното собрание на Светската организација, осудена руската анексија на делови од Украина. 143 земји гласаа за резолуцијата со која се прогласуваат неважечки припојувањата на Доњецк, Луганск, Запорожје и Херсон кон Русија. Од Кремљ побарано да се поништи анексијата.
Австралија зафатена од силно невреме. Стотици домови во југоисточните делови останаа без струја, а жителите се подготвуваат за можните поплави по предупредувањата од метеоролозите за изобилни врнежи. Се очекува најпогодени да бидат државата Викторија и островската држава Тасманија.
Северна Кореја изврши пробно лансирање на крстосувачки ракети со долг дострел.
Генералното собрание на ОН со големо мнозинство ја осуди руската анексија на четирите украински региони. За резолуцијата гласаа вкупно 143 земји, пет беа против, а 35 воздржани, меѓу нив и Кина, Индија, јужноафриканската република и Пакистан.
Француската влада почна да ги мобилизира нафтените работници кои се во тринеделен штрајк, во обид да обезбеди гориво за бензинските пумпи низ земјата.
Нафтоводот „Дружба“ што пренесува нафта од Русија во Германија преку Полска е делумно затворен по откриено истекување-објави полскиот оператор Перн.
Истекувањето е откриено на 180 километри западно од Варшава. Испратено е известување до рускиот државен гасоводен монопол „Транснефт“.
