Бразил е во опасност од епидемија на жолта треска која во последниве два месеца усмрти 40 луѓе, што е рекорден број жртви од вирусот во последните 14 години.
За ова заболување постои вакцина и доколку не се превенира може да предизвика и откажување на работата на бубрезите и крвавење.
Вкупниот број загинати во хотелот во централна Италија кој беше затрупан од лавина се зголеми на 29. 11 луѓе се спасени, меѓу кои и 4 деца. Несреќата беше предизвикана од серија земјотреси.
По наредба на американскиот претседател Доналд Трамп од денеска започнува изградбата на ѕид кон Мексико. При посетата на Департментот за домашна безбедност, Трамп соопшти дека одобрил вработување на 5.000 гранични агенти и зголемување за четири пати на силите за имиграција и царина.
Британската премиерка Тереза Меј наскоро ќе објави детален нацрт-план за процесот на излез од Европската унија.
Со документот ќе се активира членот 50, што е формален процес за напуштање на европскиот блок.
Претседателите и премиерите на Србија и на Косово по состанокот во Брисел со Федерика Могерини -се договорија да го продолжат дијалогот по тензиите во изминатиот период.
Ирачкиот премиер Хајдер ал-Абади изјави дека источниот дел од Мосул е целосно ослободен од борците на Исламска држава. Офанзивата почна пред три месеци.
Италијанските спасувачи пронајдоа уште едно безживотно тело на засега неидентификуван маж во хотелот „Ригопјано“ кој беше затрупан и уништен од лавина предизвикана од земјотрес. Засега се потврдени 18 смртни случаи, а 11 лица се водат за исчезнати.
Високата претставничка на ЕУ за надворешна политика и безбедност, Федерика Могерини им се заблагодари на српскиот и косовскиот претседател Томислав Николиќ и Хашим Тачи, како и на премиерите Александар Вучиќ и Иса Мустафа, за конструктивниот и отворен состанок во Брисел.
„Добредојдовте во земјата на Џорџ Сорос, народе!“- поради оваа изјава Американец којшто присуствуваше на инаугурацијата на претседателот Доналд Трамп во Вашингтон на 20-ти јануари беше нападнат од демонстрантите на невладината „Мув он“ спонзорирана од милијардерот Џорџ Сорос.
Американскиот претседател Доналд Трамп ќе ги смени мерките за бегалците и мигрантите, вклучувајќи и привремена забрана за нивен влез и за издавање на американски визи за граѓани од Сирија, Ирак, Иран и други муслимански земји.
