Лидерот на Ал Каеда, Ал Завахири денеска ги повика џихадистите да ги нападнат Саудиска Арабија и Западот како освета за погубувањето на четириесетте екстремисти.
Во порака на интернет лидерот повика да се интензивираат нападите за да се ослободат од расипаниот режим.
Членови на меѓународната коалиција предводена од САД против исламска држава, идната недела во Париз ќе имаат состанок.
Според францускиот министер за одбрана Жан-Ив Ле Дријан, силите минатата ноќ погодиле комуникациски центар на Исламска држава во Мосул.
Џакарта под полициска опсада. Борбени возила и спајперисти се распоредени на сите крстосници откако во серија терористички напади седуммина загинаа, десетина се повредени. Нападите ги извршиле 14 луѓе кои дошле на мотоцикли. Меѓу загинатите има полицајци и двајца странски државјани.
Бегалците што во Европската унија не ги почитуваат законите на земјата што им дала азил мораат да знаат дека ќе ја загубат меѓународната заштита и ќе ја напуштат Унијата, изјави Франс Тимерманс, потпретседателот на Европската комисија која ги разгледала неопходните мерки за решавање на бегалската
За првпат по 12 години цената за барел сурова нафта на берзите синоќа падна под 30 долари. Според аналитичарите причина се загриженоста на инвеститорите од презаситеност на глобалниот пазар и зајакнувањето на американската валута.
28-годишниот Набил Фади од Саудиска Арабија го извршил вчерашниот терористичкиот напад во Истанбул, при што десет луѓе загинаа, петнаесетмина беа повредени.
Членките на ЕУ ја заоструваат регулативата за мигрантите. Данскиот парламент ќе расправа денеска за предлог- законот според кој на мигрантите ќе им бидат одземани скапоценостите за да го платат престојот во центрите за азил.
Состојбата со Унијата е силна. Соединетите Американски Држави се најмоќната држава во светот и ја имаат најдобрата економија. Нашата уникатна сила е во диверзитетот. Вака американскиот претседател Барак Обама ја оцени состојбата во државата во своето последно обраќање во Конгресот.
Исламска држава удри во срцето на Истанбул. Бомбаш- самоубиец, за кој турската полицијата има сознанија дека бил поврзан со џихадистите, изутрината се саморазнесе на централниот плоштад „Султан Ахмет“ во близина на Сината џамија, дестинација популарна за голем број туристи од светот.
Најмалку 10 лица меѓу кои туристи од Германија, Норвешка и од Јужна Азија загинаа, а 15 се ранети во експлозија на бомба во центарот на Истанбул. Според непотврдени извори, бомбаш самоубиец се разнел на плоштадот, во близина на група туристи кои го разгледувале градот.
