САД добиваат „Златна купола“-најсовремен систем за одбрана против глобалните ракетни закани, вклучувајќи балистички и хиперсонични ракети, базиран во вселената.
Трамп го претстави амбициозниот проект вреден 175 милијарди долари кој треба да биде готов до истекот на неговиот мандат.
Во Мадрид, убиен поранешниот украински политичар Андриј Портнов, кој беше висок функционер во мандатот на претседателот Виктор Јанукович.
Повеќе лица се повредени во напад со нож што се случи утрово во холандскиот град Хофдорп, меѓу нив е и полицаец кој интервенирал.
На местото на настанот освен полициски и итни служби, испратен е и хеликоптер.
Областа е блокирана, а истрагата во тек.
Обилни дождови предизвикаа големи поплави долж источниот брег на Австралија. Најтешко погодени се градовите Тари и Вингам.
Околу 1.600 лица од итните служби се распоредени за да помогнат во спасувачките напори. Луѓето заробени на покриви се евакуираат со хеликоптери и чамци.
Лидерот на романската крајна десница, Георге Симион реши да го оспори изборниот резултат од повторентие претседателски избори пред Уставниот суд.
Нови напади на украинскиот фронт додека разговорите за прекин на огнот тапкаат во место. Русија пресретнала над сто украински дронови чија цел биле воено-индустриски објекти. Путин го посети Курскиот Регион, првпат откако ги протераа украинските трупи.
ЕУ реши да ги укине санкциите против Сирија за да им дозволи на властите да изградат нова, инклузивна и мирна земја-соопшти шефицата на европската дипломатија. Одлуката на Брисел, доаѓа непосредно откако САД објави дека ги укинува санкциите за Дамаск.
Израелските сили продолжија со напади врз појасот Газа. И покрај притисокот од Западот властите не се откажуваат од проширената копнена офанзива, најавувајќи дека дополнително ќе ја прошират, сè додека не постигнат договор со Хамас.
Самоубиствен бомбашки напад врз училиштен автобус во Пакистан. Има жртви и десетици повредени-соопштија локалните власти.
Сè уште никој не ја презеде одговорноста за нападот, иако се осомничени етничките Белуџи, сепаратисти кои често вршат вакви напади врз цивили во регионот.
Нови напади на украинскиот фронт додека разговорите за прекин на огнот тапкаат во место. Зеленски подготвен за секаков формат на преговори што носи резултати. Нагласува-ако Москва продолжи да поставува нереални услови и да го поткопува напредокот, последиците мора да бидат сериозни.
