Растат стравувањата од конфликт меѓу федералните и државните единици по одлуката на американскиот Врховен суд за отстранување на жичената ограда меѓу Тексас и Мексико.
Гувернерот на Тексас, Грег Абот му се закани на Бајден дека ако донесе војници на границата ќе се соочи со сила.
Десетици илјади луѓе во австралиската држава Квинсленд останаа без струја, два дена откако тропскиот циклон Кирили донесе разорни ветрови и силен дожд.
Купишта земјоделски отпад оставен пред портите на владината зграда во Аген, додека француските земјоделци продолжија со протестите блокирајќи го јужниот автопат во земјата.
Велат оти серијата мерки што ги најави владата не ги исполнуваат целосно нивните барања.
Жителите во Газа разочарани по одлуката на Меѓународниот суд на правдата во Хаг. За аналитичарите-недоволно строга, но силна порака за заштита на народот во Газа и можност Израел да ја поправи својата репутација.
Поранешниот претседател на САД, Доналд Трамп мора да плати 83,3 милиони долари на новинарката Елизабет Керол за јавните изјави што ги дал во 2019 година со кои ја омаловажувал и ги негирал нејзините наводи за силување- утврдил судот во Менхетен.
Руските истражители објавија видео на интернет од луѓе за кои тврдат дека се украински заробеници како се качуваат на авионот „Иљушин 76“ кој подоцна се урна со 65 украински заробеници во близина на Белгород. Москва и натаму го обинува Киев за вмешаност.
Земјотрес со јачина од шест степени според Рихтеровата скала го погоди јужниот брег на Гватемала во Пацификот доцна синоќа. Земјотресот го потресе Гватемалскиот регион Ескуинтла, а беше почувствуван и во Ел Салвадор.
Засега нема информации за жртви или материјална штета.
Меѓународниот суд на правдата му нареди на Израел да преземе итни мерки за да спречи геноцид, цивилни жртви и штети во воената офанзива во Појасот Газа. Тел Авив мора да преземе чекори за подобрување на хуманитарната ситуација во енклавата.
Меѓународниот суд на правдата во Хаг носи одлука во процесот за геноцид против Израел, покренат од Јужноафриканската република.
Турција вчера и официјално ја финализираше ратификацијата на членството на Шведска во НАТО, со што воено неутралната скандинавска земја ја дели уште еден чекор да стане полноправна членка на Северноатлантската алијанса.
