Утринава околу 8 часот имало пукање во основното училиште во Белград. Според првите информации, седмоодделенец донел пиштол на училиште, пренесуваат српските медиуми.
Момчето го однело пиштолот на татко му во училиште и почнало да пука. Тој е приведен на распит во полициска станица.
Постигнат е договор за седумдневен прекин на огнот во Судан. Началникот на суданската војска и водачот на паравоените сили за брза поддршка, се договорија примирјето да започне на 4-ти мај, се вели во соопштението на Министерството за надворешни работи на Јужен Судан.
Во текот на ноќта, за помалку од една седмица, Русија ја почна третата рунда напади врз Украина. Дрон удри во зграда во реонот на Днепар, а останатите се испратени кон главниот град, соопштија украинските власти.
Во рамки на дијалогот Белград – Приштина, кој се води под покровителство на ЕУ, Вучиќ и Курти усвоија Декларација за исчезнатите лица.
Над 20 илјади руски војници се убиени, а над 80 илјади ранети во изминатите пет месеци во борбите во Украина, проценуваат американските разузнавачки служби.
Повеќето руски војници се убиени во Бахмут, за кој Москва постојано тврди дека е на прагот на негово заземање.
Најмалку шест лица загинаа, а повеќе од 30 се повредени откако бура од прашина предизвика судири меѓу десетици возила на главен автопат во Илиноис, САД.
По несреќата, автопатот беше затворен во двете насоки. Според полицијата, при големиот судир некои од возилата се запалиле.
Екстремистите од Појасот Газа истрелаа неколку ракети во правец на Израел, веднаш по објавувањето на веста за смртта на затвореник, кој Палестинците го нарекуваат херој.
Ракетите паднале на отворен простор, израелските лекари известија за тешко повреден 25-годишен маж.
Во координирана операцијата на Европол со кодно име „СпекТор“, уапсени се 288 лица осомничени за купување или продавање дрога на т.н. дарк веб.
Вучиќ и Курти во Брисел на средба со претставници на Европската унија. Во фокусот имплементацијата на Договорот за нормализирање на односите, и Декларацијата за исчезнати лица.
Над 100 илјади бегалци го напуштиле Судан и заминале во соседните земји вклучително Египет, Чад, Јужен Судан, Централноафриканската Република и Етиопија.
