Десетици лица загинаа во невреме и торнадо во Мисисипи, илјадници луѓе останаа без електрична енергија. Спасувачките екипи на терен во потрага по преживеани.
Невремето зафати региони и во Алабама и Тенеси. Во последното деноноќие се пријавени десетици торнада во овие региони.
Францускиот претседател Макрон повторно предизвика гнев во јавноста, откако за време на телевизиска дебата, кришум под масата го извади скапоцениот часовник додека зборуваше за минималната плата за работниците во земјата.
Две лица загинаа, а деветмина се водат како исчезнати по експлозија во фабитка за чоколадо во Рединг, Пенсилванија. Хоспитализирани се осуммина.
Земјотрес од 6,5 степени според Рихтеровата скала го погоди северниот дел на Авганистан. Засега нема информации за штети или жртви.
Официјални лица во Њујорк и Вашингтон преземаат безбедносни мерки на претпазливост во случај потенцијалното обвинение против поранешниот претседател Доналд Трамп да доведе до масовни протести.
Киев најави дека наскоро ќе почне контраофанзива, а Москва употреба на секакво оружје во одбрана на Крим. Русија предупредува на потенцијален нуклеарен судир доколку Велика Британија и испрати на Украина муниција со осиромашен ураниум.
Србија одбележува 24 години од бомбардирањето на НАТО на тогашна Сојузна Република Југославија. Во воздушните напади на 24-ти март 1999 година учествуваа 19 западни земји, а акциите од воздух траеја 78 дена и беа изведени без одобрување од Советот за безбедност при Обединетите нации.
Американската армија изврши повеќе воздушни напади во Сирија врз цели на милитантни групи поддржани од Иран. Белата куќа објави дека тоа било одмазда за претходен напад со беспилотно летало, во кој загина еден, а повредени се неколку припадници на американскиот персонал во воена база.
Лидерите на Европска унија го поздравија договорот за патот кон нормализација на односите постигнат од Белград и Приштина, како и анексот за имплементација, постигнат преку дијалогот што го водеше високиот претставник на ЕУ.
Французите жестоко му одговорија на претседателот Емануел Макрон и на неговата изјава за продолжување на оспоруваната реформа на пензискиот систем по „демократски пат“, како што вели тој.
