Вицепремиерот и министер за финансии Зоран Ставрески е во посета на битолско-прилепскиот регион каде што во Пелагонија се поплавени 2.500 хектари земјоделско земјиште.
Ставрески ќе ги посети Новаци, Кривогаштани и Могила за да се запознае со штетите од невремето.
Алармантна е состојбата во западна Бугарија, откако обилните дождови предизвикаа излевање на неколку реки. Поплавите ги зедоа и првите жртви. Пет лица загинаа меѓу нив и едно дете, а локалните власти соопштија и дека една жена е исчезната во близина на градот Петрич.
Египетските власти го ослободија од затвор и го протераа новинарот на Ал Џезира, австралијанецот Питер Гресте којшто беше заробен повеќе од една година поради наводна поддршка за Муслиманското братство.
Се проширува обемот на критичните места. Поради прелевање на вода што се очекува од браната Турија, одредени се места во струмичко каде во текот на денот ќе се прават насипи. Министерот за транспорт и врски вели дека во последните години не се памети толкав обем на вода.
Млада екипа од кумановскиот театар по текст на англискиот автор Едвард Олби ја подготви новата претстава „Брачна игра“. Младата режисерка Бојана Краљевска, задоволна од својот прв проект кој го привлече вниманието осбено на помладата публика.
Грција продолжува да ја збунува европската унија. Во Париз, новиот министер за финансии, Јанис Варуфакис побара укинување на долгот кон меѓународните кредитори, најдоцна до мај.
Македонија има мала површина со различни природни услови и земјоделците често не можат да проценат која е нај соодветната култура за одредена површина.
