По критиките од американскиот претседател Доналд Трамп, Северна Кореја со нова порака до Вашингтон: „Сменете го стариот луд човек за да се ослободите од пропаст“.
Трамп е на азиска турнеја низ неколку земји на кои главна тема е проблемот со нуклеарната програма на Пјонгјанг.
Генералниот секретар на НАТО Јенс Столтенберг најави формирање на Центар за кибернетички операции. На состанокот за министри за одбрана во Брисел, земјите-членки на Алијансата договорија и создавање на два нови командни центра, кои би ја штителе Европа во случај на воен конфликт со Русија.
Винарската визба „Повардарие“ целосно ќе го исплати долгот кон лозарите во наредните два месеци. Вакво ветување дал менаџментот на визбата како резултат на тоа што имаат залихи за извоз од чија што продажба ќе се реализира исплатата на долговите кон лозарите.
Пожар избувна во зградата на Градежниот факултет во Скопје. Единици на Територијалната противпожарна единици на Град Скопје сѐ уште го гаснат пожарот.
Поради штрајк на грчките цариници, од изутрина во пет часот се затворени за сообраќај граничните премини „Дојрани“ и „Ники“ и се пропуштат само пешаци, а на „Евзони“ повремено се пропушаат патнички возила и пешаци, соопшти Автомотосојузот на Македонија (АМСМ).
Проширување на соработката меѓу А-5 земјите за целосна НАТО интеграција и придонес за безбедноста на Алијансата е темата на дваесет и првата Конференција на началниците на генералштабови (НГШ) на армиите од земјите членки на САД-Јадранската повелба (А-5) која денеска ќе се одржи во Скопје.
На покана на генералниот секретар на НАТО, Јенс Столтенберг, министерката за одбрана Радмила Шекеринска денеска во седиштето на НАТО во Брисел ќе учествува на состанок на министрите за одбрана на земјите членки на НАТО и земјите – придонесувачи во мисијата „Одлучна поддршка“ во Авганистан.
Буџет за финансиска стабилизација- вака првиот човек на македонската влада ја оцени проекцијата на државната каса за следната година. Заев тврди- задолжувања ќе има само за капитални инфраструктурни проекти.
Дебата на културните работници за нацрт- текстот за Стратегија во културата за наредните пет години. Од Министерството за култура велат- треба да се има реален пристап, а не тоа да претставува список на желби.
Зголемување на можностите за вработување на оние со завршено средно стручно образование и обуки може да се постигне само со приспособување на наставните програми за да се задоволат потребите на пазарот на труд, велат од Министерството за образование.
