Утре во Македонија ќе преовладува променливо облачно време со повремени локални врнежи од дожд особено во западните и северните делови.
И во наредните денови под влијание на серија влажни воздушни бранови се очекуваат локални врнежи со на места засилен јужен ветер.
Лидерите на џихадистичката група Исламска држава се решени годинава да извршат напади врз цели во САД, тврдат американски разузнавачки извори.
180 милиони денари за регионален развој. Усвоен акцискиот план за спроведување на активностите од стратегијата за периодот 2016- 2020. Со парите ќе се финансираат 28 проекти.
За осигурениците три нови електронски услуги, најавија од ФЗОМ.
Младите лекари-специјализанти излегоа на протест пред Министерството за здравство. Бараат да се укине видеоснимањето на сите испити додека трае специјализацијата, да им се даде плата на сите приватни специјализанти, односно да бидат здравствено и пензиски осигурани.
Доживотен затвор за Алмир Дрпљанин, обвинет за нападот врз патролата на припадниците на мобилната единица „Алфа“, кај природно-математичкиот факултет во Скопје во ноември 2008 година, во кој беше убиен полицаецот Африм Арифи, а двајца негови колеги беа тешко повредени.
Македонија нема да биде паркинг за бегалци.
Општините годинава ќе ангажираат 200 невработени за општокорисна работа. Ангажираните лица ќе бидат од евиденцијата на невработени кои спаѓаат во категоријата потешко вработливи. Нивната задача ќе биде да се грижат за старите и неподвижните. За оваа намена се обезбедени 9 милиони денари.
Министерството за труд и социјална политика ги известува корисниците на социјална парична помош, како и корисниците на правото на паричен надоместок за помош и нега од друго лице дека изврши исплата на овие права.
Демократот Берни Сандерс и републиканецот Доналд Трамп однесоа убедливи победи на партиските избори во американската држава Њу Хемпшир во трката за претседателски кандидат.
