Американскиот претседател Џо Бајден порача дека „Соединетите Американски Држави се спремни да го бранат секој сантиметар од територијата на НАТО“.
Рускиот претседател Владимир Путин претходно, вети дека ќе ги брани анектираните украински региони со сите потребни средства.
Американскиот Конгрес денеска одобри помош од 12,3 милијарди долари наменети за Украина за да се бори против руската инвазија.
Генералниот секретар на НАТО, Јенс Столтенберг, на прес- конференција попладнево соопшти дека нема да престане воената поддршка за Украина.
„Народот избра, ова е негово право, наведено во начелата на Обединетите нации“, порача рускиот претседател Путин по потпишувањето на указот за присоединување на четирите украински територии кон Русија.
Во Босна и Херцеговина на полноќ почнува изборниот молк. Вo недела се одржуваат општите избори. На листите има 127 политички субјекти, од нив 72 политички партии, 38 коалиции и 17 независни кандидати.
По пријавата за четвртото истекување од гасоводот „Северен тек“ во Балтичко море, не стивнуваат реакциите и обвинувањата за саботажа. НАТО предупреди дека секој намерен напад врз критичната инфраструктура на сојузниците ќе биде дочекан со обединет и решителен одговор.
Министрите за финансии, индустрија и енергетика на Европската унија во Брисел решаваат за донесување на три мерки со што ќе се ограничи растењето на цената на енергенсите за да им се помогне на граѓаните и компаниите.
На Црвениот плоштад во Москва, на свечена церемонија, Претседателот Путин го потпишува указот за присоединување на четирите украински територии кон Русија. Лидерите на Луганск, Доњецк, Херсон и Запорожје присутни на големото обраќање на претседателот Путин.
На два дена пред гласањето на парламентарните избори во Бугарија, ГЕРБ е во предност пред „Продолжуваме со промената“ со нешто над девет проценти, покажуваат резултатите од истражувањето на Галуп“.
Морнариците на Јужна Кореја, САД и на Јапонија спроведоа трилатерални антиподморнички вежби првпат во пет години. Ова се случува во ек на тензии поради низата севернокорејски ракетни тестирања. Вежбите беа одржани во меѓународните води близу источниот брег на корејскиот полуостров.
