Меркел во Јапонија разговараше со хуманоиден робот кој, освен добро утро, ѝ покажа како се шутира топка.
Ѝ порача дека може да стане фудбалски играч кој ќе ја предизвика германската репрезентација.
Канцеларката го следеше со насмевка и на крај му се заблагодари на роботот.
Откако вчера Боко Харам упати интернет порака дека се заветува на лојалност на групацијата Исламска држава, војските на Чад и Нигер почнаа офанзива против екстремистите во североисточна Нигерија.
Автономни возила без возачи се технологијата што неколку години ја развиваат автомобилските и комјутерските компании во Соединетите Американски Држави.
Авионот соларен импулс два полета од Абу Даби во Обединетите Арапски Емирати на историско патешествие и ќе биде првото летало на соларен погон што ќе ја обиколи Земјата. Во историјата ќе се запишат двајца пилоти што ќе управуваат наизменично, Швајцарците Андре Боршберг и Бертран Пикар.
Не стивнуваат реакциите, пред се на научната јавност, откако се дозна дека џихадистите од Исламска држава со булдожери и тешки возила го срамниле со земја древниот асирски град Нимруд, кој е непроценливо културно наследство.
Единствениот сведок на убиството на рускиот опозиционер Борис Немцов, Ана Дурицкаја добивала смртни закани по враќањето во Украина, соопшти украинското Главно обвинителство.
Дурицкаја во полициска станица изјавила дека непознати лица смртно се заканувале.
На Балканот без струја останаа повеќе илјади жители на Босна и Херцеговина, а во Црна Гора голем број граѓани останаа отсечени од поплавите и од снегот, се евакуираат децата и болните.
Не стивнуваат реакциите по обраќањето на израелскиот премиер Нетанјаху на покана на републиканското мнозинство во Конгресот на САД, пречекан со неодобрување од демократите и администрацијата на претседателот Обама.
Зашиен со 80 конци. Ова е епилогот од двочасовната операција извршена врз американскиот амбасадор во сеул, Марк Липерта.
