Општина Центар ја заврши реконструкцијата на улицата „Христо Чернопеев“. Улицата, иако се наоѓа на Водно, претходно немаше ниту фекална ниту атмосферска канализација, која сега е поставена.
Заменета е и 50 години старата водоводна мрежа, а поставени се и нови рабници.
Партијата на германската канцеларка Ангела Меркел, конзервативната „Христијанско-демократска унија“ е на трето место на изборите, веднаш зад Социјалдемократите и антиимгрантската партија „Алтернатива за Германија“.
Донација од бела техника од Турција денеска ќе им биде предадена на домаќинства зафатени од поплавите во село Сингелиќ.
Донацијата ќе ја предаде амбасадорот на Република Турција во Македонија Омур Шолендил.
Македонската амбасада во Ватикан соопшти дека веднаш реагирала по неточната информација за местото на раѓање на Мајка Тереза којашто се појави во брошурата на англиски јазик подготвена од ватиканските власти за вчерашната свеченост.
Северна Кореја истрела три балистички ракети кон Јапонското Море само неколку часа по самитот на Г-20 во кинескиот град Хуанжу, на кој учествуваа лидерите на Сеул и на Пекинг.
Здружението „Интеракција плус“, од денеска до 12-ти септември во Скопје ќе организира бесплатна „Логопедска недела“. Сите заинтересирани ќе можат да добијат бесплатни прегледи и консултации во логопедското студио „Интеракција плус“.
Во Скопје денеска ќе се одржи првата конференција посветена на социјалните иновации на која е најавено присуство на социјални иноватори од Австрија, Германија, Полска, Словенија, Босна и Херцеговина, Србија и од Македонија.
Во Собранието на Република Македонија денеска седници ќе одржат три комисиии- Комисијата за финансирање и буџет, Комисијата за политички систем и односи меѓу заедниците и Законодавно-правната комисија.
По прогласувањето на Мајка Тереза за светица во Ватикан, во текот на оваа седмица во земјава ќе се одржат низа настани и манифестации во рамки на татковинската прослава „Денови на Света Мајка Тереза“.
Синоќа по повод канонизацијата на Мајка Тереза во Рим беше отворена изложба за нејзиниот живот и дело. На отворањето беше државниот врв, митрополитот Пимен, министерката за култура Канческа- Милевска, градоначаникот Трајановски, бројни претставници на италијанскиот културен и јавен живот.
