Утре во Македонија ќе преовладува сончево време со мала облачност и со слаб до умерен ветер од северозападен правец.
Утрото ќе биде студено со минимална температура на повеќе места под нулата, а во текот на денот се очекуваат малку повисоки температури од денешните.
Во Скопје и во 29 општински организации ќе се работи на подигнување на свеста- што значи да се биде лице во трета доба. Црвениот крст ја одбележува Неделата за грижа на стари лица.
Во Кривичниот суд расправа за случајот „Насилство во Центар“. Иако на еден од обвинетите му се слоши, судот одлучи процесот против 14-те обвинети да продолжи, и покрај барањата на одбраната за одолжување.
Земјите од регионот треба да соработуваат, бидејќи имаат заедничка цел- евроатлантско интегрирање, изјави македонскиот претседател Иванов. Според претседателот на Албанија, Мета, двете земји можат да бидат пример, како се соработува.
Македонскиот премиер Заев вечер ја почнува официјалната посета на Србија. Утре во Белград ќе има разговори со српската премиерка Брнабиќ, а ќе биде примен и од претседателот Вучиќ.
Министерството за одбрана донесе одлука за исплата на јубилејната награда согласно член 97 од Колективниот договор потпишан меѓу Министерството и репрезентативниот синдикат во 2013 година.
Бродот „Мис Стон“ од кој се излеа одредено количество нафта во Студенчишкиот канал на Охридското Езеро, денеска ќе биде изваден од водата.
Во скопскиот Кривичен суд денеска треба да се одржи рочиште за случајот „Насилство во Центар“ во кој обвинет е лидерот на ВМРО-ДПМНЕ Никола Груевски. Според најавите, треба да почне главната расправа.
Рочиштето за случајот „Поткуп“, во кој обвинет е премиерот Зоран Заев, што требаше да продолжи денеска во Кривичниот суд, е одложено за 25-ти декември.
Долготрајните врнежи со слаб интензитет обезбедија целосна искористеност во сувата почвата, без губитоци и без површинско одлевање на водата. Овој последен влажен бран во Пелагонија, донесе помали количества, од 35 до 45 литри на квадратен метар, но сепак добредојдени по големата суша кога секо
