Германската биотехнолошка компанија „Бионтек“ планира во октомври да испорача вакцини приспособени за варијантата омикрон.
Производството на овие дози коишто се наменети за борба против подвидовите на овој сој е во соработка со американскиот партнер „Фајзер“.
Поранешниот претседател на САД, Трамп објави декапоголем број агенти извршиле претрес во неговиот дом на Флорида при што бил обиен сеф. Според него, акцијата била спроведена со цел да го спречат неговото повторно кандидирање за претседател.
Украинскиот претседател Володимир Зеленски ги повика западните земји да го забранат влезот на сите Руси на една година за да ја спречат Русија да анектира повеќе украинска територија.
Косовскиот премиер, Албин Курти, по повод последните инциденти во северните делови од Косово, каде што живее мнозинско српско население, изјави дека постои опасност од нова војна во Западен Балкан.
Предупредувачки сирени во израелските градови на границата со Појасот Газа и по активирањето на прекинот на огнот меѓу Израел и палестинскиот Исламски џихад. Еден проектил бил пресретнат од „Железната купола“, систем за против воздушна одбрана, над градот Мивтахим.
Во Богота инаугуриран Густаво Петро - првиот левичарски претседател на Колумбија.
По 18 месеци преговори и маратонска сесија, американскиот Сенат го усвои главниот климатски и здравствен план на претседателот Џо Бајден. Во него, меѓу другото, е опфатена најголемата американс каклиматска инвестиција.
Предупредувачки сирени во израелските градови на границата со Појасот Газа и по активирањето на прекинот на огнот меѓу Израел и палестинскиот исламски џихад. Еден проектил бил пресретнат од „Железната купола“, систем за противвоздушна одбрана, над градот Мивтахим.
Ден откако завршија воените вежби околу Тајван во знак на протест против минатонеделната посета на претседателката на американксиот Претставнички дом Пелоси на Тајпеј, Кина најавува нови маневри во регионот.
„Турција нема да го поддржи приемот на Шведска и Финска во НАТО додека тие држави не ги исполнат своите обврски во врска со борбата против тероризмот“, изјави турскиот министер за правда Бекир Боздак.
