Спасувачките екипи вчера пронашле 30 тела, соопшти филипинската крајбрежна стража. На бродот имало 132 патници, а не 134, како што првично беше соопштено.
Пожарникарите успеале дури вчера да се качат на пловилото поради густиот чад и високата температура предизвикана од пожарот.
Продолжуваат тензиите на Блискиот Исток. Во Оман в понеделник ќе се разговара за комерцијалната пловидба низ Ормускиот Теснец, Израел соопшти дека уништил тунелска инфраструктура на Хезболах во јужен Либан, додека по ескалацијата на борбите во Јемен се раселени повеќе од 46 илјади луѓе.
Рускиот претседател Владимир Путин ја предупреди Европа да не ги „турка народите на сопствените земји кон војна со Русија“, оценувајќи дека евентуалното испраќање европски војници во Украина би значело директен конфликт со Москва.
Над 1.000 случаи на западнонилска треска се регистрирани во 15 европски земји, соопшти Европскиот центар за превенција и контрола на болести.
Најмногу заболени има во Италија, Грција и Шпанија. Во Грција бројот на смртни случаи се искачи на 30, а регистрирани се вкупно 324 заболени.
Ученик и хигиеничарка во средно училиште во загрепската населба Волтино утрово се ранети со нож, соопшти хрватската полиција. Нападот го извршил друг ученик, кој според хрватските медиуми за време на инцидентот носел фантомка.
Америка обележува 25 години од терористичките напади на 11-ти септември 2001-ва. Дента кога 19 милитанти на Ал Каеда урнаа четири авиони во кулите на Светскиот трговски центар во Њујорк, Пентагон и Пенсилванија при што загинаа речиси 3.000 луѓе.
Русија продолжува жестоко да удира низ Украина, додека шефот на украинската дипломатија Сибиха обвини дека Москва намерно ја таргетира цивилната инфраструктура. Зеленски, пак, изјави дека сериозни трилатерални разговори за завршување на војната не очекува пред руските избори на 20 септември.
Нова ескалација во Јемен. Проиранските Хути, по жестоки борби со владините сили поддржани од Саудиска Арабија, ја презедоа контролата врз пристанишниот град Мока и островот Зукар, во близина на теснецот Баб ел-Мандаб – клучен поморски премин за светската трговија.
Најмалку 24 ученици загинаа во пожар што зафати две училишта во Букаву, во источниот дел на Демократска Република Конго.
25 години од терористичките напади во САД во кои загинаа речиси 3.000 луѓе, откако 19 припадници на Ал Каеда киднапираа четири патнички авиони, при што два удрија во Светскиот трговски центар во Њујорк, еден во Пентагон, а четвртиот се урна во Пенсилванија.
