Сојузниот апелациски суд одби да го врати во сила указот на американскиот претседател Доналд Трамп за забрана на влез на патниците од седум земји со мнозинско муслиманско население.
Трамп им порача на Твитер: „Се гледаме на суд, безбедноста на нашата нација е во прашање“.
Криминалот и терористичките закани во САД се зголемуваат. Затоа мора да се врати безбедноста во Америка и да ставиме крај на беззаконието, изјави новиот американски секретар за правда Џеф Сизнс по церемонијата на заколнување во Белата куќа.
Пет лица биле полесно повредени во експлозија во нуклеарната електроцентрала „Фламанвил“ во северозападна Франција. Повредените имаат симптоми на затруеност од јаглерод диоксид.
За да опстане ЕУ, таа мора радикално да се смени, да го напушти авторитарниот карактер, зијави француската каднидатка за претседател од Националниот фронт, Марин ле Пен.
Американската војска во сириската провинција Идлиб уби единаесет членови на Ал-Каеда, вклучувајќи го и поранешниот командант Абу Хани ал-Масри.
Американските трупи од базата Форт Карсон во Колоради стигнаа во латвискиот камп Адази каде што ќе останат 9 месеци.
Учеството во заеднички вежби со војската на земјата-домаќин е дел од операцијата „Атлантска решителност“ на НАТО како одговор на зголемените тензии во балтичкиот регион.
Силна експлозија се случи во нуклеарната централа „Фламанвил“ на северозапад во Франција. Според првичните информации, има и повредени. Инцидентот се случил во десет часот изутрината според локално време. До експлозијата дошло во срцето на централата, но надвот од нуклеарната зона.
Канада ја предупреди новата американска администрација на претседателот Доналд Трамп дека ќе преземе соодветни мерки, ако САД воведат нови царини.
Директорот на американската Централна разузнавачка служба (ЦИА) Мајк Помпео е во посета на Турција.
Планирани се разговори за безбедносни прашања, вклучувајќи ја и борбата на Турција против движењето предводено од имамот Ѓулен, обвинет за организирање на неуспешниот пуч лани.
Со убедливо мнозинство од 494 за и 122 пратеници против, Долниот Дом на британскиот Парламент го усвои предлог-законот со кој конзервативната влада на премиерката Тереза Меј се овластува да започне преговори за излез од ЕУ.
