Најмалку 47 луѓе останаа затрупани по свлечиште во планинската провинција Јунан во југозападна Кина. 200 луѓе се евакуирани, откако областа беше погодена од ниски температури и снег.
Спасувачите во трка со времето да пронајдат преживеани под урнатите домови.
Гувернерот на Флорида, Рон Де Сантис се повлече од претседателската трка во САД и го поддржа експретседателот Доналд Трамп во трката за номинација на републиканската партија за претседателските избори во земјата во ноември.
Високиот претставник на ЕУ за надворешна и безбедносна политика Жозеп Борел на состанокот на Советот за надворешни работи на ЕУ во Брисел го претставува планот од 10 точки за долгорочно решение на израелско-палестинскиот конфликт.
Финскиот залив беше осветлен поради големиот пожар што го зафати рускиот терминал за гас, на околу 100 километри од Санкт Петербург.
Илјадници Германци маршираа низ улиците во повеќе градови нив земјата против ултрадесничарската „Алтернатива за Германија“. Револтот доаѓа по веста дека во партијата, на состаноците се разговарало за масовна депортација на милиони мигранти, вклучително и оние со германско државјанство.
Астероид над небото над Берлин изгоре при влегувањето во земјината атмосфера, оставајќи зад себе светлечка трага што можеше да се забележи и во Прага и во Лајпциг.
Генералниот секретар на Обединетите нации, Антонио Гутереш, на самитот на Движењето неврзаните во Уганда посветен на Блискиот Исток, оцени дека мирот е можен само со постоење на две држави, Израел и Палестина.
Авионот се урнал во планинските предели во Авганистан. Засега нема официјални информации за типот на авионот, причината за падот или за потенцијалните жртви.
Украинскиот претседател Зеленски изјави дека очекува овој и следниот месец да бидат потпишани низа нови одбранбени пакети од западот за Украина.
Над 100 илјади луѓе излегоа на протести во Германија против екстремно десничарската „Алтернатива за Германија“, откако се дозна дека членовите на партијата разговарале на состанок за планови за масовна депортација.
