Најмалку 11 луѓе загинаа, а 17 се водат за исчезнати во тајфунот во северна Јапонија. Во поплавите загинаа 10 лица, од кои деветмина во еден дом за стари лица.
Уште едно тело е пронајдено во близина на старечки дом, а еден човек загина во градот Куџи.
Земјотресот што беше почувствуван ноќеска 00 часот и 20 минути во западна Македонија бил со интензитет од три степени според Европската макро-сеизмичка скала–1998, соопшти Сеизмолошката опсерваторија при Природно-математичкиот факултет во Скопје.
Бразилската Влада го отповика амбасадорот во Венецуела за консултации. Каракас го осуди отстранувањето од функција на претседателката Дилма Русеф, нагласувајќи дека станува збор за „парламентарен пуч“.
Собраниската Комисија за финасирање и буџет денеска треба да ја продолжи расправата по предложениот ребаланс на Буџетот за 2016 година, кој е наменски за целосна отштета во поплавените подрачја.
Американскиот претседателски кандидат Доналд Трамп ја бранел идејата за изградба ѕид на границата меѓу Мексико и САД, за време на неговата средба со мексиканскиот претседател Пена Њето.
Од денеска во градскиот јавен автобуски превоз се укинуваат хартиените билети за 10 возења, а оние за едно возење купени кај возачот и натаму остануваат во употреба. Останатите билети и натаму ќе бидат впишувани во електронските картички.
По повеќе од три месеци забрана поради болеста јазлеста кожа, Агенцијата за храна и ветеринарство го отвори еден од најголемите пазари за добиток во земјава. На добитчниот пазар во Кривогаштани врие како во кошница. Има голема понуда на крупен и ситен добиток.
Отворени новите простории на Рускиот конзулат во Битола. Со нив како што изјави амбасадорот на Руската Федерација, Шчербак, ќе се унапредуваат трговските, економските и културните врски меѓу Русија и Македонија.
Сулејман Сојлу е избран за нов министер за внатрешни работи на Турција. По оставката на неговиот претходник Ефкан Ала, Сојлу ја напушти функцијата министер за труд и социјална заштита и застана на чело на полицијата.
Заврши теренската проценка на штетите од невремето во Скопско и Тетовско.
Земјоделците кај кои сеуште не е извршена проценка, до утре, втори септември, можат да поднесат барање до подрачните единица на Министерството за земјоделство во Гази Баба и во Тетово.
