Судското рочиште за случајот „Дива населба“ денеска повторно ќе биде одложено. Се очекува судот да ги соопшти причините.
Пред две недели предметот „Молња“ за обвинетите за логистика на кумановската група од „Дива населба“, Кривичниот суд го спои со предметот „Дива Населба“.
Бегалската криза во Европа нема да се реши се додека не се создаде безбедна зона во Сирија за бегалците, оценува американскиот конгресмен и поранешен воен пилот Адам Киѕингер.
Заврши користењето на европските пари наменети за земјоделците од ИПАРД 1 Програмата. Искористени се само 15 проценти од средствата или скоро 12,5 милиони евра.
Поради минирање, сообраќајот на патниот правец Кичево-Охрид кај Пресека денеска во периодот од 13 до 15 часот ќе биде во прекин 15 до 20 минути, соопшти Авто-мото сојузот на Македонија.
Судскиот процес против обвинетите за тероризам во случајот „Дива населба“ треба да продолжи денеска во големата сала на Врховниот суд, бидејќи во Основниот суд Скопје 1 нема просторни и безбедносни услови за одржување на судењето во кое има голем број обвинети.
Во Собранието треба да биде формирана комисија која ќе реши дали се оправдани аргументите на СДСМ кои побараа отповикување на претседателот Иванов.
Грчките медиуми пренесуваат дека привремениот бегалски камп кај Идомени на македонско-грчката граница е целосно евакуиран. Според грчката државна телевизија ЕРТ, денеска во кампот се наоѓале уште околу 1.000 бегалци, кои биле пренесени во организираните прифатни центри во внатрешноста на Грција.
Надминување на политичката криза во Република Македонија преку одржување на фер и кредибилни избори е целта на меѓународното медијаторство, истакна еврокомесарот Јоханес Хан на неформалната средба со медиумите во Брисел.
Идните учесници на пазарот на труд треба да бидат внимателни при изборот на средното образование за да можат полесно да најдат работа. Во пресрет на уписите, важно е на учениците да им се укаже како да изберат соодветна струка, вештина и работно место.
Милион евра за да потврдиш дека прислушуваните разговори ти ги дал Зоран Заев, но, и да кажеш дека тој нарачал фалсификувани лични карти. Првообвинетиот во случајот „Фабрика за афери“ Захир Бекири, викан Чауш, тврди дека добил ваков предлог.
