Продолжи судењето за тероризмот во Куманово што се случи во мај 2015-та година, при што беа убиени 8-мина припадници на полициските единици, а 42-ца беа ранети.
Обвинителниот акт ги товари 29-темина обвинети за кривични дела, терористичка организација и тероризам.
Над 10 илјади бегалци се во шаторите на грчката страна од границата со Македонија и според последните податоци сѐ уште пристигнуваат.
Земјоделците од кочанскиот регион планираат да ги зголемат површините со ориз за скоро 200 хектари. Водостопанство „Брегалница“ од Кочани оваа пролет ќе наводнува 5.000 хектари со оваа култура.
Министерот за внатрешни работи Оливер Спасовски денеска заедно со премиерот на Словачка Роберт Фицо и словачкиот министер за внатрешни работи Роберт Калинак ќе го посетат Прифатниот центар за мигранти „Винојуг“ во Гевгелија.
Во рамките на турнејата низ земјите од Западно- балканската рута, претседателот на Европскиот совет, Доналд Туск, денеска во Скопје ќе се сретне со македонскиот претседател Ѓогре Иванов.
Непрегледна редица на шатори со бегалци се подига на грчката страна од границата, кај граничниот камен 59. Во импровизираниот камп и натаму пристигнуваат бегалци. Потеклото не им се знае. Според воустановените постапки, можат да бидат пуштени само бегалците од Сирија и Ирак.
Од септември и учениците од седмо, осмо и деветто одделение ќе учат по британска наставна програма. Од 2017-та и средношколците ќе учат по Кембриџ, кој сега се применува во основното образование по математика и природни науки.
Академиците се вклучуваат поинтензивно во служба на евроинтегративните процеси на земјава. По барање на владата преку формираниот Совет, МАНУ ќе го помага овој сложен процес во сите области.
„Македонија има право да ја заштити сопствената граница, но развојот на ситуацијата потврдува дека е потребно европско решение“ – ова е ставот на официјален Брисел за тензиите на грчко- македонската граница и за вчерашните инциденти.
„Ние го направивме сопствениот избор... Одлучни сме да не станеме складиште за мигранти, доколку дојде до затворање на границите... Се залагаме за координирана акција“ – оваа порака ја испраќа претседателот Иванов во интервјуто за „Шпигел онлајн“.
